Бүгүн Бишкекте “Дарысыз жашоо! Же чуркоону, же дарыкананы танда!” деген ураан менен беш километрге чуркоо акциясы өтөт. Аны Жеңил атлетика федерациясы демилгелүү жаштар тобу менен бирге уюштурууда. Байге фонду 500 миң сом. Акцияга “Өнүгүү-Прогресс” партиясы демөөрчүлүк кылып жатат.
Катышуучулардын саны чектелбейт. Жаштар, улгайгандар, профессионал спортчулар жана башка топтор өз-өзүнчө күч сынашып, катышуучулар жалпысынан сегиз категорияда жарышат. (SE)
