Президент Алмазбек Атамбаев Улуттук коопсуздук мамлекеттик кызматынын терроризмге каршы жүргүзүп жаткан жумуштары тууралуу маалыматты укту. Мекеменин төрагасы Абдил Сегизбаев бул жааттагы иштер жана алдын алуу аракеттери тууралуу айтып бергенин мамлекет башчынын басма сөз кызматы кабарлады.
Кыргызстанда октябрь айында теракт же барымтага алуу сыяктуу окуялар болушу ыктымалдыгын өткөн апта соңунда АКШ жана Улуу Британия элчиликтери өз жарандарына эскерткен. Алар муну ыкчам маалыматтарга таянып кабарлаган. УКМК бул билдирүүлөр иликтенип жатканын айткан. (SE)
