Бүгүн Бишкекте Кыргызстан менен Бразилия ортосунда товар алмашуу, соода-сатыкты жөнгө коюу маселесинде бизнес форум өтөт. Бул эки өлкө ортосундагы алгачкы экономикалык жыйын болуп саналат. Анда Бразилиядагы алдыңкы өнөр жай ишканалары менен келишим түзүү, биргелешкен ишканаларды ачуу маселеси каралмакчы.
Форумду Соода - өнөр жай палатасы Бразилиянын Кыргызстандагы элчилиги менен бирге уюштурууда. Жыйын Hyatt Regency мейманканасында өтөт. (SE)
