Ассошейтед пресстин маалыматы боюнча, Пенсильвания штатында 8-ноябрдагы добуш берүүдө республикачыл сенатор Пит Томинин демократ Кэти МакГинтини жеңип алышы Конгресстин жогорку палатасы Сенатта республикачылар көпчүлүктү түзүшүнө жол ачты. Аляска жана Луизина штаттарында республикачылардын жеңиши алардын Конгресстеги көзөмөлүн бекемдейт.
АКШнын негизги телеканалдары республикачылар АКШ Конгрессинин Өкүлчүлүктөр палатасына да көзөмөлдү сактап калышканын кабарлады. Алар буга чейин да палатада көпчүлүктү түзүп келишкен. (AiT)
