Линктер

бейшемби, 8-декабрь, 2016 Бишкек убактысы 14:09

Оппозициячы саясатчылардын жана жарандык коом өкүлдөрүнүн бир тобу Баш мыйзамга өзгөртүү киргизүүгө каршы үгүт иштерин жүргүзүүгө уруксат сурап БШКга кайрылышты. Жарандык коом өкүлү Рита Карасартованын “Азаттыкка” билдиргени боюнча, БШКга арыз 8-ноябрда берилген:

-Азырынча бизге эч кандай жооп жок. Шайлоо жана референдум тууралуу мыйзамдарга ылайык, биздин топ үгүт жүргүзүүгө укук алып катталса, Коомдук телеканалдардан бизге прайм-тайм убактысында акысыз, башка учурда акы төлөнүүчү эфир убактысы бөлүнүп берилүүгө тийиш.

Карасартова буга чейин бийлик тарабынан Баш мыйзамга өзгөртүү керек дегенден башка шайлоочуларга эч кандай маалымат берилген жок деп билдирди.

Баш мыйзамды өзгөртүүгө каршы үгүт жүргүзүү арызы менен оппозиционерлер Адил Турдукулов, Равшан Жээнбеков, Бегалы Наргозуев жана Мавлян Аскарбеков да Боршайкомго кайрылышкан. Бул топ да азырынча БШКдан катталганы тууралуу расмий маалымат бериле электигин ырастоодо.

БШКнын сайтында референдумду өткөрүү боюнча бардык каалоочулар үгүт жүргүзүүгө укуктуу деп жазылган. Ага ылайык, үгүт жүргүзүүгө арыздар берилген күндөн тартып он күн ичинде каралат.

Референдумга чыгарылган маселе боюнча үгүт иштери жалпы элдик добуш берүүгө 24 саат калганда токтотулат.(ZKo)

Азаттык Фейсбукта

пикирлерди көрсөт

XS
SM
MD
LG