Кошмо Штаттар Москванын LinkedIn социалдык сайтын Орусия аймагында жабуу чечимине “терең камтамасын” билдирди. АКШнын Орусиядагы элчилигинин маалымат катчысы Мария Олсон ТАСС агенттигине 18-ноябрда маалымдагандай, ишкер байланыштарын түзүү жана жумуш издөө сайтына бөгөт коюу чечими “начар жөрөлгө түзүп, орусиялык колдонуучулар тууралуу маалымат камтыган веб сайттарды жабууга жол ачышы мүмкүн” деди.
2014-жылкы мыйзамга ылайык Орусия жарандары тууралуу маалыматтар өлкө аймагындагы серверлерде гана сакталууга тийиш. Олсон бул жобо "атаандаштык принцибине каршы келерин" билдирди.
17-ноябрда мамлекеттин карамагындагы Сбербанк LinkedInди чектөө “банктын жаңы кызматкерлерди жалдоо ишин кыйла оорлоторун” ырастады.
2004-жылы негизделген сайттын 400 миллиондон ашуун колдонуучусу бар. Роскомнадзор интернет провайдерлерге LinkedInге бөгөт коюу буйругун 17-ноябрда берген. Анын алдында Москва шаарынын соту сайт жеке маалыматтарды сактоо мыйзамын бузууда деген бүтүм чыгарган.
