Линктер

дүйшөмбү, 1-май, 2017 Бишкек убактысы 09:05

Огайо штатындагы университетте 11 адамды жарадар кылган кол салууну экстремисттик уюм уюштурганын "Амак" маалымат агенттиги 29-ноябрда маалымдады. Агенттик автоунаа менен келип алдына чыккан адамдарды бычактаган “Ислам мамлекетинин жоокери” кандуу окуяны ишке ашырганын маалымдады.

Кол салуу болгон Огайо штатындагы Колумбус шаарынын полициясы террордук актты уюштургандарды иликтөөдө. Күбөлөр кол салууну 18 жаштагы түбү сомалилик Абдул Разак Али Артан жасаганын айтышууда. Ал 28-ноябрда жогору ылдамдыктагы автоунаа менен университет аялдамасында турган адамдарды сүзүп, андан кийин жолуна чыккан адамдарды бычак менен сая баштаган.

Артан 2014-жылы үй-бүлөсү менен Пакистандан АКШга качкын катары келип, туруктуу жашоого уруксат алган. Жараланган 11 адам ооруканага жеткирилген, алардын бирөөсүнүн абалы оор экени кабарланды. (AiT)

Азаттык Фейсбукта

XS
SM
MD
LG