Линктер

ЧУКУЛ КАБАР!
29-Март, 2024-жыл, жума, Бишкек убактысы 20:30

Ноокат: жер сатылды деген маалымат ырасталган жок


Жер боюнча нааразылыкка чыккандар.
Жер боюнча нааразылыкка чыккандар.

Ош облусунун Ноокат районунда 130 гектардан ашык жер Өзбекстандын жарандарына сатылып кетти деген маалымат ырасталган жок. Бул тууралуу Башкы прокуратура билдирди.

Маалыматка караганда, Жаңы-Ноокат айыл өкмөтүнүн Дөң-Кыштак айылынын 142 жашоочусуна алты сотыхтан жер бөлүнүп берилген. Текшерүүнүн жыйынтыгы жер үлүшүн Кыргызстандын жарандары гана алганын көргөздү.

9-январда Жаңы-Ноокат айылынын бир катар тургундары нааразылыкка чыгышып, "жер тартыштыгын чечүүнүн ордуна 150дөй өзбекстандыкка үлүш жер берип койду",- деп айыл өкмөт башчысы Нурмахаммад Йулчиевди айыптап чыгышкан. Ал нааразы тараптардын маалыматын четке каккан. Өкмөт жер сатылды деген билдирүүлөр чындыкка коошпой турганын айтып, маселени териштирүүнү Башкы прокуратурага тапшырган. (NT)

XS
SM
MD
LG