Линктер

шаршемби, 26-апрель, 2017 Бишкек убактысы 20:26

Жогорку Евразия экономикалык кеңешинин жыйынына катышуу үчүн Бишкекке келген президенттер алгач өзүнчө жолугушат. Бул жыйын бүгүн "Ала-Арча" мамлекеттик резиденциясында өтөт.

Кеңейтилген форматтагы жыйынды өткөрүү алдында кыргыз президенти Алмазбек Атамбаев Молдованын башчысы Игорь Додон менен жолугушат. Буга чейин президенттик аппарат тараткан маалыматта Молдовага ЕАЭБдеги байкоочу макамын берүү маселеси каралаары айтылган. Мындан улам кеңейтилген жыйынга Армения, Беларус, Казакстан, Кыргызстан, Орусия жана Молдованын президенттери катышмакчы.

Кыргызстан быйыл ЕАЭБдин Жогорку Евразия экономикалык кеңеши, Өкмөт аралык Евразиялык кеңеш, Евразия экономикалык комиссияга төрагалык кылууда. Жыл башындагы жыйында президент Алмазбек Атамбаев уюмдагы бизнес, инвестиция саясаты, эмгек мигранттарын пенсия менен камсыздоо, соод-өнөр жай кызматташтыгы жана ыңгайлуу жол саясатын иштеп чыгуу зарыл экенин айткан.

Бүгүнкү жыйында катышуучулар жогоруда айтылган демилгелердин ишке ашуусун, уюмдун ишмердүүлүгүндөгү жаңы көйгөйлөрдү талкууга алат.

Азыркы саатка карата Бишкекке Армения президенти Серж Саргсян, Беларус башчысы Александр Лукашенко, Орусия президенти Владимир Путин жана Молдова лидери Игорь Додон келишти. Казакстандан өлкө башчысы Нурсултан Назарбаевдин келиши күтүлүүдө.

Орусия менен Беларус түзгөн ЕАЭБге кийин Казакстан, Армения, Кыргызстан кошулган. (SDz)

Facebook Forum

Азаттык Фейсбукта

XS
SM
MD
LG