Аткаминерлердин кыңыр иштери далилденсе “Ата Журт” коалициядан чыгат

Бул тууралуу “Ата Журт” фракциясынын лидери Камчыбек Ташиев бүгүн Жогорку Кеңештин жыйынында билдирди.

Бүгүн мурдагы баш прокурор Кубатбек Байболов депутаттарга маалымат берип, УКМК жетекчиси Кеңешбек Дүйшөбаев жана биринчи вице-премьер-министр Өмүрбек Бабановду "мамлекеттин каражатын өзү каалагандай жумшап, мыйзамсыз иштерге барып жатат" деп күнөөлөгөн. Ал депутаттарга бул маалыматтарды иликтөөнү сунуштаган. Депутаттар бул маселелерди атайын комиссия иликтеши керектигин айтышты. Ысымдары аталган аткаминерлер өздөрүнө карата айтылган дооматтарды четке кагышууда. (КЕ)