Кыргыз өкмөтү бүгүнкү жыйынында Бажы биримдигине кирүү тууралуу чечим кабыл алды. Аталган биримдикке кошулуу боюнча мекемелер аралык комиссия түзүлүп, анын курамы бекиди. Экономикалык тескөө министри Учкун Ташбаевдин маалымдашынча, Бажы биримдигине кирген мамлекеттер 15-майда Ялтада жолугушуу өткөрүшөт, сентябрда дагы жыйынга чогулуп макулдашууга кол коюлат. Андан соң Кыргызстан Бажы биримдигине кирүү боюнча макулдашууну ратификациялашы керек болот, дейт Ташбаев. Аталган биримдикке азыр Орусия, Казакстан жана Беларус мамлекеттери мүчө. (EBM)
