Кабарларга караганда, лидер Муаммар Каддафинин аскерлери мунайга бай Брега портуна кетчү жолдо жайгашкан Аджабияда козголоңчулардын позицияларына ракета атышты. НАТОнун аскерлери Каддафинин күчтөрүнө каршы абадан сокку уруп жатышканына карабай, акыркы апталарда козголоңчулар бир топ артка чегиништи. Буга чейин козголоңчулардын көзөмөлүнө өткөн Мисрата шаарында кечээ катуу атышуулар болду. Кеминде 6 киши мерт болду, 50 жакыны жаракат алды.
