Бул тууралуу Жаза аткаруу башкармалыгынын жетекчиси Шейшенбек Байзаков бүгүн өкмөттүн Коопсуздукту жана укук тартибин камсыз кылуу боюнча кеңешинин биринчи жыйынында билдирди. Байзаков соттолгондордун санын мунапыс менен кыскартып, жеңилирээк кылмыш менен кармалгандарды башка жазалар менен алмаштырууну сунуштады. Бирок соттолгондордун кайсы категориясы мунапыска илинээри кеңешменин жыйынында айтылган жок. Маалыматка ылайык, учурда түрмөлөрдө тогуз миңден ашуун адам кармалууда. (КЕ)
