Бишкектеги Ак үйдүн алдына “Апрель баатырлары”, “Мекен шейиттери” жана “Айкөл Ала-Тоо” уюмдарынын 150дөй мүчөлөрү митинг уюштурушууда. Алар өткөн жылдын 7-апрелинде элге ок аткандар алигиче камакка алынбаганына нааразы болушуп, күнөлүүлөрдү жазалоо талабын билдиришүүдө. “Азаттыктын” кабарчысы билдиргендей, чогулгандар президент Роза Отунбаеванын мөөнөтү аяктаганга чейин апрель окуясына күнөлүү адамдар жазаланууга тийиш деп белгилешүүдө. (KKs)
