“Журналисттер” коомдук бирикмеси КТРК тууралуу кайрылуу таратты

Жогорку Кеңештин төрагасына жана депутаттарга жөнөтүлгөн бул кайрылууда “Журналисттер” коомдук бирикмеси Коомдук телерадиоберүү корпорациясы тууралуу мыйзам долбоорун шашылыш кабыл албоого чакырган. Мыйзамдын ылдам кабыл алуу буга чейин жолго салынган көптөгөн иш чаралардын аткарылышын кечеңдетери белгиленген. Мындан тышкары, мыйзам кабыл алынып, Байкоочу кеңештин курамы кайрадан түзүлө турган болсо, президенттик шайлоого жетишүү кыйын болоору билдирүүдө жазылган.

Жогорку Кеңеш бүгүнкү отурумунда КТРК тууралуу мыйзам долбоорун талкууга алышы керек эле. Убакыт жетишсиздигинен долбоор эртең карала турган болду. (KKs)