Бириккен Улуттар Уюмунун башкы катчысынын орун басары, Баңги зат жана кылмыштуулук боюнча БУУнун башкармалыгынын аткаруучу директору Юрий Федотов бүгүн Бишкекке келет. Бул тууралуу Кыргызстандын Баңги заттарды көзөмөлдөө боюнча мамлекеттик кызматынын басма сөз борборунан “Азаттыкка” кабарлашты. Маалыматка ылайык, Федотов Кыргызстандын президент, премьер-министр баштаган бийлик өкүлдөрү менен жолугушуп, Баңги затттарды көзөмөлдөө кызматынын иши менен таанышат. Мындан тышкары аталган кызматтын ишин жакшыртууга багытталган жаңы долбоорго кол коюлаары күтүлүүдө. (KKs)
