Линктер

ЧУКУЛ КАБАР!
28-Март, 2024-жыл, бейшемби, Бишкек убактысы 18:56

Өмүркулов өкмөт башчы өзгөрбөй турганын билдирди


Өкмөт өкүлдөрү.
Өкмөт өкүлдөрү.

Жогорку Кеңеште жаңы коалиция түзүлгөндөн кийин азыркы өкмөттүн курамында олуттуу өзгөрүү болбойт. Бул тууралуу “Азаттык” радиосуна КСДП фракциясынын лидери Иса Өмүркулов билдирди:

- Баарын алмаштыралы деген максат жок. Андай кылган туура эмес болот. Кесипкөй министрлерди ордунда калтырыш керек. Премьер-министр деле ордунда калат деген ойдомун.

КСДП фракциясы көпчүлүк коалициядан чыгарын дүйшөмбүдө жарыялаган. Буга “Ата Мекен” жана “Өнүгүү-Прогресс” фракциялары менен пикир келишпестиктерди негиз кылып көрсөтүшкөн.

Эреже боюнча, парламентте коалиция тараган учурда өкмөт токтоосуз отставкага кетет. Коалиция түзүлүп, өкмөт курамы бекитилгенче премьер-министр жана министрлер утурумдук “милдет аткаруучу” катары кызматын уланта берет. (SE)

XS
SM
MD
LG