Хиллари Клинтон адегенде Уругвайда болуп, былтыр ноябрда шайланган президент Хосе Мухикинин кызматка киришүү аземине катышты. Уругвайдын жаңы президенти байистүү саясат жүргүзгөнгө,анын ичинде Вашингтон менен жакшы мамиледе болгонго сөз берди.
Америкалык мамкатчы ушул эле жерде Аргентинанын президенти Кристина Фернандес менен сүйлөшүүлөрдү өткөрдү.
Мамдепартамент ырастагандай, Клинтондун планында Венесуэланын, Эквадордун жана Боливиянын президенттери менен жолугушуу каралган эмес.
Анын соңунан Клинтон Чилинин борборуна кыска мөөнөткө токтолуп өттү. Бийликтеги президент Мишел Бачелет жана жаңы шайланып, кызматына кирише элек президент Себастян Пинера менен ал түз эле Сантягонун аэропортунда жолугуп, табигый кырсыктан катуу жабыркаган бул өлкөгө Кошмо Штаттары колдон келген көмөгүн көрсөткөнгө, алардын ичинде электр генераторлорун, медицина жабдууларын, көчүрмө көпүрөлөрдү жөнөткөнгө даяр экенине ишендирди.
Чилиден соң Клинтон Бразилияга келди. Бул жерде ал президент Лула да Силва менен жолугуп, башка маселелер менен бирге иран темасын да талкуулаганы жатат. Бразилия ушу тушта Улуттар Уюмунун Коопсуздук Кеңешинин мүчөсү жана Иран менен тыгыз кызматташтыгы бар. Былтыр ноябрда бул жерде иран президенти Махмуд Ахмединежад болуп кеткен. Жооп кайтарып, да Силва быйыл майда Тегеранда болгону жатат.
Сапарга чыгар алдында Клинтон мамлекеттик департамент санкциялар маселеси менен арпалышып жатканын ырастаган. Ал ошондой эле бул маселе боюнча Коопсуздук Кеңешиндеги сүйлөшүүлөр ыкчам жүрүп жатканын кошумчалап, бирок резолюция качан колго салынарын тактаган эмес эле. Кеңешке ушул айда төрагалык кылып жаткан Габондун өкүлү Дэнис Ревака март айындагы иштердин күн тартибинде бул маселе жоктугун тастыктады.
Мамлекеттик катчынын Батыш жарым шары боюнча жардамчысы Артуро Валенсуэла да Иран эл аралык милдеттерин аткарбай жатканын, ошондуктан америкалык делегация бул маселеде бразилиялыктарды конструктивдүү позицияда болууга чакырганы жатканын бышыктаган.
Клинтон алдыдагы күндөрдө Коста-Рикада министрлердин аймактык кеңешмесине катышат, андан соң Гватемалада болот жана Борбордук Американын, Доминикан Республкасынын жетекчилери менен өз ара кызыкчылыгы бар маселелерди талкуулайт.
Мамлекеттик катчынын сапары ошондой эле региондо АКШнын аброюн бекемдөө максатын да көздөйт.
Америкалык мамкатчы ушул эле жерде Аргентинанын президенти Кристина Фернандес менен сүйлөшүүлөрдү өткөрдү.
Мамдепартамент ырастагандай, Клинтондун планында Венесуэланын, Эквадордун жана Боливиянын президенттери менен жолугушуу каралган эмес.
Анын соңунан Клинтон Чилинин борборуна кыска мөөнөткө токтолуп өттү. Бийликтеги президент Мишел Бачелет жана жаңы шайланып, кызматына кирише элек президент Себастян Пинера менен ал түз эле Сантягонун аэропортунда жолугуп, табигый кырсыктан катуу жабыркаган бул өлкөгө Кошмо Штаттары колдон келген көмөгүн көрсөткөнгө, алардын ичинде электр генераторлорун, медицина жабдууларын, көчүрмө көпүрөлөрдү жөнөткөнгө даяр экенине ишендирди.
Чилиден соң Клинтон Бразилияга келди. Бул жерде ал президент Лула да Силва менен жолугуп, башка маселелер менен бирге иран темасын да талкуулаганы жатат. Бразилия ушу тушта Улуттар Уюмунун Коопсуздук Кеңешинин мүчөсү жана Иран менен тыгыз кызматташтыгы бар. Былтыр ноябрда бул жерде иран президенти Махмуд Ахмединежад болуп кеткен. Жооп кайтарып, да Силва быйыл майда Тегеранда болгону жатат.
Сапарга чыгар алдында Клинтон мамлекеттик департамент санкциялар маселеси менен арпалышып жатканын ырастаган. Ал ошондой эле бул маселе боюнча Коопсуздук Кеңешиндеги сүйлөшүүлөр ыкчам жүрүп жатканын кошумчалап, бирок резолюция качан колго салынарын тактаган эмес эле. Кеңешке ушул айда төрагалык кылып жаткан Габондун өкүлү Дэнис Ревака март айындагы иштердин күн тартибинде бул маселе жоктугун тастыктады.
Мамлекеттик катчынын Батыш жарым шары боюнча жардамчысы Артуро Валенсуэла да Иран эл аралык милдеттерин аткарбай жатканын, ошондуктан америкалык делегация бул маселеде бразилиялыктарды конструктивдүү позицияда болууга чакырганы жатканын бышыктаган.
Клинтон алдыдагы күндөрдө Коста-Рикада министрлердин аймактык кеңешмесине катышат, андан соң Гватемалада болот жана Борбордук Американын, Доминикан Республкасынын жетекчилери менен өз ара кызыкчылыгы бар маселелерди талкуулайт.
Мамлекеттик катчынын сапары ошондой эле региондо АКШнын аброюн бекемдөө максатын да көздөйт.
