Линктер

жума, 9-декабрь, 2016 Бишкек убактысы 02:52
КАЙРЫЛУУ

Биз, Кыргызстандын Жапонияда билим алып жана иштеп жаткан жаштары, мекенибизде болуп өткөн кандуу окуяларды терең кайгыруу менен кабыл алганыбызды билдиребиз.

Эң кейиштүүсү бул окуяда сексенден ашуун биздин жарандардын курман болушу жана көптөгөн инсандарыбыздын жабырланып жапа чегиши болду. Бардык кыргызстандыктардай эле биз дагы мамлекетибиздин келечеги үчүн шейит болгон жарандарыбыздын жакындарына терең кайгыруу менен көңүл айтып, жаткан жайлары жайлуу, топурактары торко болсун демекчибиз. Жана ал жарандарыбыздын аттары биздин ар бирибиздин жүрөгүбуздө жазылып кала беришмекчи.

Тилекке каршы кан төгүлдү, эл-жерин сүйгөн мекенчил азаматтарыбыз окко учту, эл менен бирге өз милдетин аткарган айрым милиция кызматкерлери да баш аламандыктардын курмандыгы болушту. Окко учкандар, жандарын өлкөбүз үчүн, келечек муундар үчүн садага чабышты. Бирок бул курмандыктар тилекке каршы ошол эле түнү болуп өткөн жагымсыз, зээнди кейиткен окуялар менен коштолду.

Жасаган иштеринин жоопкерчилигин аңдай албаган канчалаган мекендештерибиз элдин менчигин жана мамлекеттин мүлкүн талап тоношту. Биз бир элдин балдарыбыз, бирибизге тийген зыян сөзсүз башкаларга да терс таасирин тийгизет. Башкаларды талап тоногонубуз менен өзүбүздүн тагдырыбызга балта чаап жатканыбызды түшүнбөдүк.

Кымбаттуу мекендештер, ага-ини, эже-карындаштар!Ачууга алдырбайлы! Дүйнөлүк коомчулук алдында эл караган бетибиз жер карабасын! Биздин Кыргызстаныбыздан башка мекенибиз жок. Бүгүн таштала турган кадамдардан келечегибиз куралат. Бардык улуттардын, саясий партиялардын, областтардын, коомдордун өкүлдөрүн ата-журтубуздун кыйын күнүндө биригүүгө чакырабыз! Кымбаттуу боордоштор - эл-журт, кыргыз элим! Биз, эзелтен келе жаткан ынтымак-ырашкердүү жана ар намыстуу элбиз. Ушул күндөрдө баарыңыздарды бир жакадан баш, бир жеңден кол чыгарууга үндөйбүз!

Убактылуу өкмөттүн мамлекетибиз үчүн алгылыктуу иш жасоосуна терең ишенип, өлкөнүн келечеги үчүн кайдыгер эмес экендигибизди билдиребиз.

Жапониядагы кыргыз жарандары.

пикирлерди көрсөт

XS
SM
MD
LG