Линктер

ишемби, 10-декабрь, 2016 Бишкек убактысы 07:41

«Туркестанские ведомости» гезити 1883-жылдын 12-июлунда Пишпек шаарынын чет жакасында окумуштуу А. М. Фетисовдун эки багы орун алгандыгы туурасында жазып чыккан. Гезиттин кабарлоосуна караганда, мында жүз миңдеген кара жыгач, терек, кайың сыяктуу дарак көчөттөрү өстүрүлгөн. Мындан тышкары А. М. Фетисовдун шаар ичиндеги багында алма, өрүк жана гүлзар көчөттөрү өстүрүлүп, алар андан ары шаардын көчө бойлоруна отургузулуп жатканы жазылат.

Орусия империясы менен Кытай ортосундагы бажылык көзөмөл 1888 жана 1889-жж. орнотулган. Бул жылдары Жетисуу областына караштуу Нарын чебинде биринчи бажы бекети ачылып, ал Түркстан генерал-губернатордугуна караган. 1890-жылдын 12-июлунда Түркстан генерал-губернатордугунун аймагында эки бажылык округ ачылган: анын бири Томск губерниясынын аймагындагы Семипалатинск округу болсо, экинчиси Жетисуунун чыгыш бөлүгүндө орун алган.

Ош уезддик-шаар бейпартиялык конференциясы 1921-жылдын бул күнү өлкөнүн НЭП, т. а. жаңы экономикалык саясат багытында өнүгүүсүн колдогон.

Кыргыз областтык (б) ВКП уюму 1932-жылдын бул күнү Фрунзе шаарынын «айрым партиялык жана кеңештик кызматкерлери өзүн-өзү камсыздоо менен алек болуп жаткандыгын» кескин сынга алган. Совет мамлекетиндеги ушул жылкы каатчылыкка байланыштуу тамак-аш жетпей, калктын жону жукарып, дүкөндөргө азык-түлүк түшпөй калган. Мындан улам майда аткаминерлер жогорку бийлик өкүлдөрүн тейлеген дүкөндөрдүн талонун алуу амалын ойлоп табышкан. Партия чечиминде өзүн-өзү камсыздоого барган кызматкерлер партия катарынан чыгарылып, ал түгүл сот жазасы колдонула тургандыгы эскертилет.

Кыргызстан жазуучулар союзунун V съезди 1966-жылдын 12-июлунда ишин баштаган. Υч күнгө уланган жазуучулар курултайына жазуучулар башкармалыгынын төрагасы Т. Абдымомунов жетекчилик жасаган.

Герцог Альба жетектеген испандык армия 1573-жылдын 12-июлунда Гарлем шаарын басып алган.

Царицын шаары 1589-жылдын 12-июлунда түптөлгөн.

Саратов шаары 1590-жылдын 12-июлунда негизделген.

Англис королу Карл II 1679-жылдын 12-июлунда жарандардын сот укугун коргогон акт чыгарган.

Жеймс Кук 1776-жылдын 12-июлунда акыркы экспедицияга Плимуттан чыккан.

Француз Уюштуруу жыйын 1790-жылдын 12-июлунда Франция чиркөөсүн Римден бөлгөн.

Наполеон Бонапарт 1806-жылдын 12-июль күнү германдык өлкөлөрдүн Рейн биримдигин курган.

Биринчи Славян съезди 1908-жылдын 12-июлунда Прага шаарында ишин баштаган.

Орусия 1920-жылдын 12-июлунда Литванын Вильнюска болон укугун тааныган.

РКП(б) Борбордук Комитети 1923-жылдын 12-июлунда Донбасс шахтасын калыбына келтирүү туурасында токтом кабыл алган.

Фрнациядагы мушкетёр Д’Артаньяндын эстелиги 1931-жылдын 12-июлунда ачылган.

АКШ Конгресси 1933-жылдын 12-июлунда эмгек акынын минималдык өлчөмүн бир саатка 33 цент менен белгилеген.

Эфиопия императору Хайле Селассие 1959-жылдын 12-июлунда Москвага иш сапары менен келген.

Норвегиялык саякатчы жана окумуштуу Тур Хейердал 1970-жылдын 12-июль күнү «Ра-2» аталган папирус кеме менен экспедицияга чыккан.

Тоолуу Карабак областтык кеңеши 1988-жылдын 12-июлунда Азербайжандын курамынан чыга тургандыгын жар салган.

Литванын президенттигине 2009-жылдын 12-июлунда биринчи жолу аялзатынан Даля Грибаускайте айым шайланган.
XS
SM
MD
LG