Ошондуктан фактынын негизинде Кылмыш-Жаза Кодексинин 234-беренеси боюнча адамдар бейбаштык кылышкан деп кылмыш иши козголду. Кечээ тергөө башталды, анын жүрүшүндө чыныгы айыптуулар аныкталмакчы. Ошол себептүү азырынча окуяга тиешеси барлардын так санын жана ысымдарын айтуу кыйын.
- Мен акталышына көзүм жетпей калды. Себеби, генерал ошончолук жеп-ичкен болсо, Сопу-Коргондогу атасынын үйүн барып көрушпөйбү. Сырты жарылып, үстүндөгү шыйпыры учкалы араң турат, - деп кейип-кепчиди Тулпар Орунбаев аксакал. – Бишкектеги батирин дагы жакшы билебиз. Кичинекей үй, ашып баратса беш сотых. Килейген завод-фабрикаларды арзыбаган акчага менчиктештиргендер, жерлерди гектарлап ээлеп алгандар жөн эле жүрүшпөйбү. Эмне, аларга эч кимдин тиши өтпөйбү? Таза адам үчүн Исаковду сындыра албай жатышат. Генерал Кыргызстанга ак кызмат кылгандыгы үчүн биз аны ар качан коргоп алабыз.
Тулпар Орунбаев жердештери борборду карай атчан жүрүш жасоого камданып жаткандыгын айтып, буга дейре мыйзамдуу аракеттердин бардыгын жасашкандыгын, бирок ага жогорку бийлик кулак салбай койгондугун белгиледи.
Оштогу бир катар бейөкмөт уюмдар Алайдагы нааразычылык акциясынын катышуучуларына козголгон кылмыш ишин жергиликтүү укук коргоо органдарынын жогорку бийликке жагынуу аракети катары сыпаттап жатышат.
«Мыйзамдуулукту коргоо» коомдук фондунун жетекчиси Абдыкайым Кангелдиев Ош облусундагы жана шаарындагы бир катар бейөкмөт уюмдар биригип, Сопу-Коргондогу окуяны иликтөө боюнча көз карандысыз комиссия түзүшкөндүгүн жана ал ишке киришкендигин маалымдады:
-Чындыгында, бул абдан кейиштүү көрүнүш, жаман жышаан. Эсибизде, Ноокатта массалык акцияга катышкандарга тегиз кылмыш ишин козгоп, аларды чыркыраткан бойдон аеосуз жазалап, соттоп ийишти. Андан кийин Петровкада укугун талашып козголгондордун, ошондой эле Балыкчыда шайлоонун жүрүшүнө каршылык көрсөткөндөрдүн укугун тебелеп-тепсеп, үстүнөн кылмыш ишин козгоп, а түгүл камап жиберип жатышпайбы. Мына ошентип, азыркы бийлик Кыргызстанда колониялык-авторитардык режимди орнотууга далалат кылып атат десек жаёылышпайбыз. Дүйнө жүзүндө канчалаган мамлекеттерде биздикиндей диктатура мурун-соё үстөмдүк кылган. Элин аеосуз эзген. Бирок алардын акыры эч качан жакшылык менен бүткөн эмес.
Айтмакчы, камактагы генералдын таламдаштары үч күндөн бери Исмаил Исаковдун атасынын Сопу-Коргон кыштагындагы үйүндө ачкачылык жарыялап олтурушат. Акцияга адегенде 14 адам катышып жаткан, кан басымы көтөрүлгөндүгүнө байланыштуу бүгүн алардын төртөө үйлөрүнө жөнөтүлдү. Ошентип, үч эркек, жети аял мурдагы коргоо министринин абактан токтоосуз бошотулушун талап кылышууда. Ачкачылык жарыялагандардан дарыгерлер эмдигиче кабар ала элек.
