Линктер

жума, 9-декабрь, 2016 Бишкек убактысы 02:34

Орозбектен ойноок кеп (3-шиңгил)


“Азаттыктын” окурманы Орозбек Бөрүгулов “Күлкү кербенге” сунуштаган ар кыл азилдер.



Өнөрпоздорго боор ооруп…

Кара-Кулжа районунун элдик театрынын өнөрпоздору Алайкууга барып калышат.

Турдумамет аке боор ооруй сүйлөйт:

- Ка-ап, бекер эле келипсиңер. Элде акча жок.

- Акчаңар жок болсо, курут-май берсеңер деле боло берет, - дейт артисттердин бири.

- Курут-май жок калган. Баса, айран берсек болобу?


* * * * *

Ууруга ашык болгон тоок

- Биздин айылда чоң ууру бар эле, - дейт ысыккөлдүк бир таанышым.

Ал “кайран” каучук жип өткөзүлгөн жүгөрүнү тоокко жуткузуп, анан жиптин бир учунан тоокту жетелеп келатса, аны көргөндөр минтип таңданыптыр:

- Бул кишини биз "ууру" деп айтканыбыз туура эмес экен. Көрсө, тооктор өздөрү аны жакшы көрүп ээрчип алышат тура.


* * * * *

Уйкунун сыры


- Эртең менен саат он болгондо да турбай, келинчегим экөөбүз кайра күүгүм киргиче уктаппыз.

- Ой-и-ий, эмне үчүн анттиңер?

- Кимибиз мурда ойгонсок, ошонубуз мешке от жагышыбыз керек болчу да!



Орозбек Бөрүгулов,
“Азаттыктын” окурманы.
XS
SM
MD
LG