Иринжит ишке берилди
Аксыда 20 жыл бүтпөй келаткан Иринжит каналы ишке берилди. 20-июнда Жалал-Абаддын Аксы районунда Иринжит суу каналын ишке берүү аземи өттү. Ага президент Алмазбек Атамбаев барып катышты. Узундугу жети чакырымдан ашуун каналдын курулушу менен райондун мурда суу жетпеген Кош-Дөбө айыл өкмөтүнүн бир нече гектар аянты эгин суусу менен камсыздаларын өкмөт билдирүүдө. Иринжит каналын куруу мурунку президент Аскар Акаевдин доорунан бери көтөрүлүп келаткан маселе. Ал быйыл гана бүтүп, пайдаланууга берилди. (Тасманы президенттин маалымат кызматы сунуштады.)