Линктер

шаршемби, 7-декабрь, 2016 Бишкек убактысы 02:17

Орусияда “башка улуттагы эркектер менен жүрдүң” деп айыптап, кыргыз кыздарын жазалаган, өздөрүн “патриот” деп атап алгандардын тасмалары интернетте байма-байма жарыяланып, кызуу талкууланып келет. Орусияда кыргыз кыздарын ушундай жол менен жазалоо өнөкөткө айландыбы? Ал балдар мыйзам алдында жоопко тартыла элек. “Патриотторду” актаган пикирлер да аз эмес. “Азаттык+” бул жолу ушул теманы талкууга алды.

19 жаштагы кызды жылаңачтап алып, топ балдар суракка алган видео интернетке 6-июлда жарыяланган. Анда өздөрүн "патриот" деген үч-төрт жигит өзбек жарандары менен жыныстык катнашка барган деп кызды жазалап жатканы тартылган.

Ал арада “патриоттордун” бул жосуну коомчулук тарабынан ар кандай бааланууда. Көпчүлүк жигиттердин аракетин айыптаса, күнөөнү кыздын өзүнө оодаргандар да болбой койгон жок.

Мындай окуя Орусиядагы эмгек мигранттары арасында маал-маалы менен кайталанып келет. 2012-жылы Сапаргүл аттуу кыз он чакты эркектин сурагына кабылып, аёосуз сабалган. Бул факты да коомчулукта резонанс жаратканы менен күнөөлүүлөр жоопко тартылган эмес. Адистердин баамында, кордолгон кыздардын көбү ажырашкан үй-бүлөлөрдө чоңоюшкан же багар-көрөрү жок жетим өскөндөр.

Бул тасмадан көп өтпөй эле интенетке дагы бир видео жарыяланган. Эки мүнөткө жакын созулган видеодо кыргызча сүйлөгөн балдар өзбекче сүйлөгөн баланы кармап алып, кыргыз кызы менен жыныстык катнашка барганы үчүн суракка алып, уруп жатканы көрсөтүлөт. Видеонун аягында “экинчи кыргыз кыздарына жолобойм” деген мааниде убадасын алган соң коё беришет. Окуя качан, кайсы жерде тартылганы белгисиз.

Интернеттеги талкууда булар өздөрүн “патриот” атаган балдар болушу мүмкүн экендиги айтылууда. Алардын аракеттерин кубаттагандар да, каршы чыгып, бул улут аралык кастыкты тутандырарына тынчсыздангандар да бар.

  • 16x9 Image

    Айгерим Акылбекова

    2014-жылдын март айынан бери "Азаттык+" телепрограммасынын алып баруучусу. Кусейин Карасаев атындагы Бишкек гуманитардык университетинин журналистика факультетин аяктаган. 

  • 16x9 Image

    Токтосун Шамбетов

    "Азаттык+" телепрограммасынын алып баруучусу. 2012-жылдан тарта "Азаттыктын» Нарын облусундагы кабарчысы болуп иштеген. Нарын мамлекеттик университетинин техникалык факультетин аяктаган. "Мыкты жаш журналист 2013" наамынын ээси. Твиттерде: @Tokojan  

пикирлерди көрсөт

XS
SM
MD
LG