Линктер

шаршемби, 7-декабрь, 2016 Бишкек убактысы 04:07

Мектепке чейинки жана мектеп курагындагы кыргызстандык балдар быйылкы жылы жай мезгилин кандай өткөрүшөт? Апта темасына “Азаттык” бул ирет ушул теманы тандап алып, айылдык жана шаардык балдардын жайкы күндөрдү кантип өткөрөрүнө, ата-эненин жана өкмөттүн камкордуктарына кызыгып көрүштү.

Нарын аймагындагы жайлоо бала бакчалары ишин 15-июндан баштап, 20-августта аяктайт. Жергиликтүү бийликтин маалыматына караганда учурда бакча жайгаша турган жайлоолорго боз үйлөр жеткирилип, керектүү нерселер алынып жатат. Бирок тарбиячыларга маяна төлөө маселеси чечилбей, ара жолдо турат. Былтыркы маяналар балдарын бакчага берген малчылардын сүт, сары май, сүзмө, козу түрүндөгү азык-түлүктөрүнүн эсебинен чечилген. Теманы Мирлан Кадыров улантат.

Ысык-Көлдү көпчүлүк эс алуунун чордону катары кабылдаганы менен мында айыл тургундары, ал тургай өспүрүм балдар үчүн жай мезгили тынымсыз түйшүк менен өтөт. Жайы менен туристтерге кызмат көрсөткөндөрдүн басымдуу бөлүгү дал ушул окуучу балдар. Өспүрүмдөрдүн негизги жумушу - соода, мындан сырткары кайык, катамаранды ижарага берип, эс алууга керектүү кызматтарды көрсөтүү да алардын милдетине кирет. Көлдө окуучулар быйылкы жайга кандай иштерди пландап койгонун Самат Асипов баяндайт.

Алыскы Баткенде деле ата-энелер кол арага жараган балдарын үй-тиричилигине көбүрөөк каралашса дешет. Ата-эне күндөлүк түйшүктөн тышкары балдарын эс алдырууну пландайбы, балдарынын эс алуусуна, дүйнө таанымын кеңейтүүгө кызыктарбы? Кабарчыбыз Жеңиш Айдаров сураштырып көрдү.

Ош шаарынын балдары совет мезгилиндегидей массалык түрдө мамлекеттин эсебинен эс алышпайт. Көпчүлүгү иштешет. Мектеп курагындагы балдардын элүүдөн бири гана билим берүү тармагы уюштурган бекер лагерлерге барышат дейт кабарчыбыз Ыдырыс Исаков.

Ал эми борбор калаа Бишкекте окуучулар үчүн мектептин алдында түзүлгөн жана менчик жайкы лагерлер иштей баштады. Кыргызстанда 5 жаштан 17 жашка чейин 2 миллиондон ашуун бала болсо, жайкы лагерге алардын аз гана бөлүгү барат. Кээ бирлерин окуу, тарбия, эс алуу программалары толук ынандырбаса, кээ бирөөнүн чөнтөгү жука. Бишкекте балдар үчүн эс алуу канча турарын Канымгүл Элкеева сураштырып көрдү.

Эми кезекти адистин пикирине берсек. Мектеп курагындагы жана мектепке чейинки балдардын жайкы эс алууларына байланышкан пландар, чечилген жана чечилбей жаткан маселелер тууралуу “Азаттыктын” суроолоруна Билим берүү министрлигинин жетектөөчү адиси Гүлшан Абдылдаева жооп берди. Адисти кепке кабарчыбыз Бактыгүл Чыныбаева тарткан.

  • 16x9 Image

    Мирлан Кадыров

    "Азаттыктын" Нарын облусундагы кабарчысы. 2009-жылы Нарын мамлекеттик университетин англис тили жана адабияты адистиги боюнча аяктаган.

  • 16x9 Image

    Жеңиш Айдаров

    "Азаттыктын" Баткен облусундагы кабарчысы. Ош мамлекеттик университетин аяктаган.

  • 16x9 Image

    Ыдырыс Исаков

    «Азаттыктын» Оштогу кабарчысы. 2008-жылы Ош Мамлекеттик университетинин журналистика бөлүмүн аяктаган. 

  • 16x9 Image

    Канымгүл Элкеева

    "Азаттыктын" Бишкектеги журналисти.

  • 16x9 Image

    Бактыгүл Чыныбаева

    “Азаттык” үналгысынын Бишкектеги кабарчысы, журналист, котормочу, илимий кызматкер. Кыргыз-Түрк "Манас" университетинин жана Лондондогу эл аралык Кэмбриж академиясынын бүтүрүүчүсү.

пикирлерди көрсөт

XS
SM
MD
LG