Калкы 6 миллионго жеткен Кыргызстанда демографиялык өнүгүүгө өбөлгө болгон жана кедергисин тийгизген жагдайлар тууралуу апта темасында сөз болот.
Кыргызстандык көп балалуу үй-бүлөдө балдардын саламаттыгына, билим алуусуна, тарбиясына ата-эне, мамлекет жетиштүү кам көрөбү? Оштогу кабарчыбыз Эрнис Нурматов суроого жооп издеди.
Көп бала төрөгөн, аларга татыктуу билим, тарбия берген үлгүлүү байбичелердин кеңешин Таластагы кабарчыбыз Салика Сариева тыңдаган.
Эмгек миграциясы балдардын атасын көрбөй төрөлүп, тааныбай чоңоюп, жетилишин шарттоодо. Анын кесепети тууралуу Баткендеги кабарчыбыз Жеңиш Айдаров айтып бермекчи.
Акыркы кезде өз ата-энесинен кордук көргөн балдардын саны көбөйдү. Ата-энелердин балдарга таш боор мамилесинин себептери, бул көйгөйдү азайтуунун жолдору, сабактары тууралуу кабарчыбыз Зайырбек Ажыматов айтып берет.
Канча балалуу болгуңуз келет? Мына ушундай суроо менен кабарчыбыз Токтосун Шамбетов шаар тургундарына кайрылды.
Калктын өнүгүүсүндөгү жаңы тенденциялар кандай болууда? Кабарчыбыз Канымгүл Элкееванын суроолоруна Статистикалык комитеттин жетектөөчү адиси Жанара Мааткулова жооп берди.
