Линктер

logo-print
шейшемби, 6-декабрь, 2016 Бишкек убактысы 01:01

Бул ирет “Азаттыктын” кабарчылары азыркы мектеп мугалиминин жоопкерчилиги менен түйшүгүн, укук-милдеттерин билип, бейнесин ачууга аракет кылышты.

Билим берүүдөгү жемкорлук

2015-жылдагы маалыматтар боюнча, Кыргызстанда жемкорлук боюнча биринчи орунга Билим берүү министрлиги чыккан. Өлкөдө былтыр жалпысынан 450дөн ашык коррупция иши катталса, анын 87си билим, илим тармагындагыларга таандык. Мугалимдердин айлык-маянасы биздеги башка мамлекеттик кызматкерлерге салыштырмалуу бир кыйла жогорулаганы менен эмнеге бул тармактагы жемкорлук азайбай келет? Теманы Бактыгүл Чыныбаева улантат:

Соттошкон мугалимдер

Мектептерде мугалимдер чырдашып, жамаат ичинде бири-бирин каралаган окуяларды ар бир райондон кезиктирүүгө болот. Ал тургай айрым мектептерде соттошуулар бир нече жылдап созулат. Бул окуу процессине канчалык кедергисин тийгизет? Коомдун дарты агартуучуларга да жеттиби? Кабарчыбыз Эрнист Нурматов Оштогу Терешкова мектебиндеги соттошуунун мисалында ушул суроолорго жооп издеп көргөн.

Мугалимдин түйшүгү ат көтөргүс

Анткен менен мугалимдин түйшүгү айтып түгөткүс экендигин билимге баа берген ар бир адам терең түшүнөт. Дегеле мугалимдик кесиптин кадырын көтөрүп турган дагы ошол чоң түйшүк менен тынымсыз эмгек экенин тажрыйбалуу, таланттуу мугалимдер нечен курдай далилдеп келатышат. Алардын бири “Эл мугалими” Жаныш Жанузаков “Азаттыктын” Таластагы кабарчысы Салика Сариевага өзүнүн мугалимдик жана директордук ачуу-таттуу тажрыйбалары тууралуу айтып берди.

Айылда мугалимдер жетишпейт

Жалал-Абадда жыл сайын мугалимдердин тартыштыгын жоюуга аракеттер көрүлгөнү менен, тоолуу аймактардагы мектептерде педагогдор тартыш. Жергиликтүү адистердин айтканына караганда, орус тилинде, башка чет тилдерде сабак бере турган мугалимдердин аздыгынан сабактар өтүлбөй калып жатат. Ошондой эле эркек мугалимдердин тартыштыгы да педагогикалык иштеги көйгөйлөрдүн бири болууда. Бул тууралуу аймактагы кабарчыбыз Руслан Калматов айтып бермекчи.

Мугалим болуу кыйынбы?

Айылдарда туруктуу иш орун деп эсептелген мугалимдик кесипке орношуу кыйынбы? Нарындагы кабарчыбыз Мирлан Кадыров жергиликтүү тургундар арасында сурамжылоо жүргүзүп көрдү.

Ашымова: Мугалимдин баркы өзүнө көз каранды

Азыркы мугалимге кандай талаптар коюлат? Мугалимдин психикалык саламаттыгы кандайча текшерилет? Өлкө мектептеринде мугалим жетиштүү элеби? Ушул жана башка суроолорго билим берүү жана илим министринин орун басары Токтобүбү Ашымбаева жооп берет. Суроолорду кабарчыбыз Сабыр Абдумомунов узаткан.

Нарында мугалим болуу кыйынбы?

  • 16x9 Image

    Бактыгүл Чыныбаева

    “Азаттык” үналгысынын Бишкектеги кабарчысы, журналист, котормочу, илимий кызматкер. Кыргыз-Түрк "Манас" университетинин жана Лондондогу эл аралык Кэмбриж академиясынын бүтүрүүчүсү.

  • 16x9 Image

    Эрнист Нурматов

    "Азаттыктын" Ош облусундагы кабарчысы. Ош Мамлекеттик университетинин журналистика факультетин аяктаган.

  • 16x9 Image

    Руслан Калматов

    "Азаттыктын" Жалал-Абад облусундагы кабарчысы. Жалал-Абад Мамлекеттик университетинин филология жана журналистика факультетин аяктаган.

  • 16x9 Image

    Мирлан Кадыров

    "Азаттыктын" Нарын облусундагы кабарчысы. 2009-жылы Нарын мамлекеттик университетин англис тили жана адабияты адистиги боюнча аяктаган.

пикирлерди көрсөт

XS
SM
MD
LG