Линктер

ишемби, 10-декабрь, 2016 Бишкек убактысы 11:30

Басма сөзү салыштырмалуу эркин деп эсептелген Кыргызстанда эки миңден ашык маалымат каражаты каттоодо турат.

Эксперттер алардын 300дөн ашырагы гана иштейт деп айтып келе жатышат. Аймактардагы кабарчыларыбыз иштеп жаткан маалымат каражаттарынын жер-жерлердеги ишмердиги, таасири, барк-баасы жана мүмкүнчүлүктөрү тууралуу радиобаяндарды сунуш кылат.

Ош облусу жалпыга маалымдоо каражаттары эң көп чогулган аймак болуп саналат. Алардын көпчүлүгү мамлекеттен көз карандысыз. Бирок аларда сөз эркиндиги барбы? Аймактагы маалымат каражаты катары райондордогу элдин көйгөйүн жетиштүү чагылдырганга дарамети жетип атабы? Бул суроолорго аймактык кабарчыбыз Ыдырыс Исаков жооп издеген.

Нарында жергиликтүү жалпыга маалымдоо каражаттарынын ишине канааттанбагандар аларды эл ичинде кадыры түшүп жатат деп сындап жүрүшөт. Себеби эмнеде? Дегеле альтернативдүү, кызыктуу каналдардын болушуна эмне тоскоол болуп жатат? Аймактан кабарчыбыз Мирлан Кадыров сураштырып көрдү.

Таласта көз карандысыз маалымат каражаты катары түптөлүп, атайын долбоорлордун негизинде иш алып баргандардын айрымдары каражаттын тартыштыгынан жабылып калып жатат. Кыска мөөнөттүү долбоорлорго таянып иштеп жаткан маалымат каражаттарынын аракеттеринин, келечегинин күңгөй-тескейи тууралуу Таластагы кабарчыбыз Салика Сариева кеп кылат.

Жалал-Абаддын алыскы район-шаарларындагы жергиликтүү гезиттерде учурда пенсия жашындагы журналисттер эмгектенишет. Айлык маянанын аздыгы биринчи себеп болсо, экинчиден жаштар заман агымына жараша жаңы технология менен иштөөнү эп көрүшөт. Аймактардагы райондук гезиттердин иш ыргагы менен кабарчыбыз Руслан Калматов таанышып көрдү.

Элеттиктер маалыматка муктажбы? Көп түрдүү маалымат каржаттарынын кайсынысынан көбүрөөк пайдаланышат жана ишеним артышат? Ушул жана башка суроолор менен Баткендеги кабарчыбыз Жеңиш Айдаров жергиликтүү тургундарга кайрылып көрдү.

Кыргызстандагы маалымат каражаттарынын барк-баасы, мүмкүнчүлүктөрү жана көйгөйлөрү, азыркы журналистикадагы жаңы тенденциялар тууралуу «Журналисттер» коомдук бирикмесинин төрагасы Марат Токоев кабарчыбыз Бактыгүл Чыныбаеванын суроолоруна жооп берди.

  • 16x9 Image

    Ыдырыс Исаков

    «Азаттыктын» Оштогу кабарчысы. 2008-жылы Ош Мамлекеттик университетинин журналистика бөлүмүн аяктаган. 

  • 16x9 Image

    Мирлан Кадыров

    "Азаттыктын" Нарын облусундагы кабарчысы. 2009-жылы Нарын мамлекеттик университетин англис тили жана адабияты адистиги боюнча аяктаган.

  • 16x9 Image

    Руслан Калматов

    "Азаттыктын" Жалал-Абад облусундагы кабарчысы. Жалал-Абад Мамлекеттик университетинин филология жана журналистика факультетин аяктаган.

  • 16x9 Image

    Жеңиш Айдаров

    "Азаттыктын" Баткен облусундагы кабарчысы. Ош мамлекеттик университетин аяктаган.

  • 16x9 Image

    Бактыгүл Чыныбаева

    “Азаттык” үналгысынын Бишкектеги кабарчысы, журналист, котормочу, илимий кызматкер. Кыргыз-Түрк "Манас" университетинин жана Лондондогу эл аралык Кэмбриж академиясынын бүтүрүүчүсү.

пикирлерди көрсөт

XS
SM
MD
LG