17-февралда Бишкек-Ош жолунда бараткан автоунаа Чычкан капчыгайындагы көпүрөдөн кулап кеткен. Кырсыктан машинадагы төрт адам каза болуп, бирөө аман калган.
Каза болгондорду Өзгөчө кырдаалдар министрлигинин куткаруучулары унаадан чыгарды. Жаракат алган бир адам райондук ооруканага, ал эми каза болгондор жергиликтүү өлүкканага жеткирилген.
Тынымсыз кар көчкү түшүп жатканына байланыштуу Бишкек-Ош жолу бүгүн таңдан тарта 36 саатка жабылды. (ZKo)
