Линктер

logo-print
ишемби, 03-декабрь, 2016 Бишкек убактысы 21:49

Бүгүн Ысык-Көлдүн Чолпон-Ата шаарында Экинчи Дүйнөлүк көчмөндөр оюндарынын ачылышы болот.

Салтанат кечки саат сегиз жарымда башталат. Негизги иш-чаралар Булан-Сөгөтү айылында жана Кырчын жайлоосунда өтмөй болду.

Экинчи Дүйнөлүк көчмөндөр оюндарынын алкагында ордо, көк бөрү, мангала, тогуз коргоол, таяк тартыш боюнча бүгүн алдын ала оюндар башталды.

Маалыматка караганда, бүгүн казакча күрөштөн спортчулардын салмактары өлчөнөт жана жөө жаа атуу, атчан жаа атуу, алыскы аралыкка жаа атуу, бүркүт салуу, тайган жарыш жана далба ойнотуу мелдештеринен спортчулар каттоого алынат.

Оюнга 53 мамлекеттен миңге жакын спортчу катышары алдын ала айтылган. Анда улуттук спорттун 23 түрүнөн күч сынашат.

Учурда 39 мамлекеттин оюнчулары Чолпон-Ата шаарына келгенин Көчмөндөр оюндарынын расмий сайты кабарлады. Калган катышуучулар 3-сентябрь күнү кечке чейин келишет.

Ал эми оюнду чагылдырууга чет өлкөдөн 406 маалымат өкүлү келгенин Тышкы иштер министрлигинин кызматкери Айымкан Кулукеева билдирди.

Саламаттык сактоо министрлиги Ысык-Көлдө бүгүн ачылышы боло турган Дүйнөлүк көчмөндөр оюнуна катышканы жана көргөнү баргандардын санитардык абалына 25 дарыгер көз саларын маалымдады.

  • 16x9 Image

    Санжи Туйтунова

    “Азаттыктын” Бишкек бюросунун кызматкери, веб-редактор. Жусуп Баласагын атындагы Улуттук университеттин бүтүрүүчүсү.

  • 16x9 Image

    Эмилбек Чекиров

    2009-жылы К.И.Скрябин атындагы Кыргыз агрардык университетинин агрономия факультетин аяктаган. 2007-жылы УТРКнын алдындагы “ТВ Академия” эксперименталдык чыгармачылык борборунан оператор- режиссер курсун бүткөн.

пикирлерди көрсөт

XS
SM
MD
LG