Кара-Тейиттеги унутулган каргаша
Чоң-Алай районунун Кара-Тейит айылында 1999-жылдагы бомбалоонун жарасы али да сакая элек. Айылга капыс түшкөн бомбадан жараат алып майып болуп калгандар, сырты кыш, ичи фанерден курулган чакан үйлөр, апаатта жакынын жоготкон каармандар азыр да 29-августтагы капсалаңды эске салып турушат. 1999-жылдын 29-августунда кечки саат бештер чамасында кызы менен аялынан айрылып, 7 баласы менен эмне кыларын билбей өксүп калган Абдилазиз Сулайманов азыр 65 жашта.