Линктер

жекшемби, 11-декабрь, 2016 Бишкек убактысы 16:40

Медицина илими улам алдыга жылып, илдетти аныктоонун, дарылоонун заманбап технологиялары өнүккөн менен, бейтаптардын элдик дарыгерлерге умтулуусу азайган жери жок.

Табыпчылык, бүбү-бакшычылык бейтаптарды эмнеси менен өзүнө тартат “Азаттыктын” апта темасында ушул суроого жооп издеп көрдүк.

Жалал-Абадда илдетке огожо издеп, бүбү-бакшыларга, табыптарга, молдолорго, көзү ачыктарга кайрылгандар көп учурайт. Кабарчыбыз Руслан Калматов да кезеги көп ошондой бүбү-бакшынын кабылдамасына барды.

Нарын районундагы Эмгекчил айылында 80 жаштагы Султек Көбөков он жылдан бери кадимки уй кымызга ак кодол баштаган чөптөр менен чөп тамырларын кошуп, дары суусундугун жасайт. Кызыгы - илдеттин баарына даба деп эсептелген бул суусундукка Султек табыптын айылдаштары анча ишене беришпейт. Толугураак Мирлан Кадыровдун баянында.

Бейтаптардан элдик дарыгерлерге эң көп кайрылгандар – булар рак илдетине чалдыккандар. Бирок буга чейин онкологиялык илдеттен табыптын жардамы менен айыгып кеткен далилди саламаттык сакчылары көрсөтө элек.

Тескерисинче, бейтапты дарылоо процессине табыптардын кесепети көп тийип жаткандыгын онколог-дарыгерлер айтып келатышат. Кабарчыбыз Айгерим Акылбекова Бишкектеги онкологиялык борборго барып, бейтаптар менен дарыгерлерди кепке тартты.

Заманбап, салттуу медицина менен элдик медицина бири-бирин жериген маанай бар экенин Оштогу кабарчыбыз Ыдырыс Исаков сурамжылоо жүргүзгөндө байкаган. Кабарчыбыздын айтымына караганда, карапайым эл ичинде табыпчылыктын, эмчи-домчулуктун да, салттуу медицинанын да адамдын саламаттыгына пайда келтире турган өзгөчөлүктөрү бар деп эсептешет.

Тигил же бул илдетке чалдыккан адам эмне үчүн медициналык, диагностикалык кароодон өтүп, анын негизинде дарыланууга караганда элдик дарыгерлерге барууга көбүрөөк ынтызар? Мындай суроо менен “Азаттык” медицина илимдеринин кандидаты Венера Кемеловага кайрылды. Психолог-дарыгер менен кабарчыбыз Зайырбек Ажыматов маектешти.

  • 16x9 Image

    Руслан Калматов

    "Азаттыктын" Жалал-Абад облусундагы кабарчысы. Жалал-Абад Мамлекеттик университетинин филология жана журналистика факультетин аяктаган.

  • 16x9 Image

    Мирлан Кадыров

    "Азаттыктын" Нарын облусундагы кабарчысы. 2009-жылы Нарын мамлекеттик университетин англис тили жана адабияты адистиги боюнча аяктаган.

  • 16x9 Image

    Айгерим Акылбекова

    2014-жылдын март айынан бери "Азаттык+" телепрограммасынын алып баруучусу. Кусейин Карасаев атындагы Бишкек гуманитардык университетинин журналистика факультетин аяктаган. 

  • 16x9 Image

    Ыдырыс Исаков

    «Азаттыктын» Оштогу кабарчысы. 2008-жылы Ош Мамлекеттик университетинин журналистика бөлүмүн аяктаган. 

  • 16x9 Image

    Зайырбек Ажыматов

    "Азаттыктын" кабарчысы. Жусуп Баласагын атындагы Улуттук университетин бүтүргөн. “Жалгыздык”, “Мелмил”, “Нөлү көп жылдар” аттуу ыр жыйнактардын автору.   

пикирлерди көрсөт

XS
SM
MD
LG