Жалал-Абад облусунун Сузак районундагы Көк-Зоо жайлоосунда 27-октябрда Сагын Тапаев аттуу жаран аң уулоого чыгып, кар көчкү алдында калды. Бул тууралуу Өзгөчө кырдаалдар министрлигинен билдиришти. Маалыматка караганда, мергенчини жаңы курулуп жаткан Бишкек-Ош кошумча жолундагы туннелге жакын жерде көчкү басып калган. Анын шериктери аман калышып, куткаруучуларга кабар беришкен. Аңчынын сөөгүн издөө иштери бүгүн башталат.
