Линктер

жекшемби, 11-декабрь, 2016 Бишкек убактысы 08:36

Апрелдин аягынан бери Кыргызстандын бардык аймактарында шамал аралаш нөшөрлүү жаан басылбай, ал айыл чарбасына, тиричиликке кедергисин тийгизип, чыгымдарга кирептер кылууда. Жаратылыш түзгөн күтүүсүз кырдаал жана анын кесепеттери тууралуу "Азаттыктын" апта темасында сөз болот.

9-май күнү Баткенде секундасына 28 метрге жеткен катуу шамал жүрүп, он миң даанадан ашык шиферди учуруп кетти. Мөмө байлап калган өрүктөрдү да тамыры менен омкоруп, бир топ айылда электр зымдары үзүлдү. Баткенден Жеңиш Айдаров толугураак айтып берет.

Жаздын акыркы айындагы нөшөрлүү жамгыр Жалал-Абаддын бир топ айыл тургундарынын шаштысын алууда. 10-майда Базар-Коргондун Ооган-Талаа айылында сел жүрүп, 50 турак жайды каптап, эки үй жараксыз болуп калды. Табигат кырсыгы каптаган айылга кабарчыбыз Руслан Калматов барып келди.

Таласта Өзгөрүш айылынын тургуну Рахат Арыкбаева 2014-жылы селден жабыркаган үйү үчүн өкмөттөн тийиштүү каражат алалбай жатат. Анын турак үйүн 9-майдагы нөшөрдө сел каптап кеткен. Табигый кырсыктан жабыркаган турак-үйлөргө, айдоо жерлерге өкмөт кандай жардамдарды бере алат? Таластан кабарчыбыз Салика Сариева баяндайт.

Бир аптадан бери тынбай жааган жамгыр Бишкек шаарын тегерете жайгашкан жаңы конуштарда плансыз жана сапатсыз курулуштардын көптүгүн далилдеди. Ондогон турак үйлөрдү жарым-жартылай суу каптап, айрымдарынын жертөлөлөрү сууга толду. Нөшөрлүү жаандын Бишкек шаарынын тегерегиндеги турак үйлөргө келтирген кесепеттери тууралуу кабарчыбыз Ыдырыс Исаков баяндайт.

Акыркы күндөрү өлкө аймагында байма-бай катталып жаткан бороон-чапкын аралаш нөшөрлүү жаан турак үйлөрдү камсыздандыруу маселесин кайрадан күн тартибине чыгарды. Турак жайларды милдеттүү камсыздандыруу мыйзамы февралда күчүнө кирип, бирок 2019-жылга чейин убактылуу токтотулушуна байланыштуу жабыркаган турак жайларга мамлекет баштагыдай эле тиешелүү документтердин негизинде компенсация төлөп берүү милдетин өзүндө калтырууда. Адистердин айтымына караганда, мыйзам күчүнө киргенден кийин кенемте төлөө токтотулат. Ошондуктан, тиешелүү адистер түшүндүрүү иштерин айрыкча ушундай жаратылыш кырсыктарына байланыштуу байма-бай жүргүзүлүүдө. Теманы Бактыгүл Чыныбаева улантат.

  • 16x9 Image

    Жеңиш Айдаров

    "Азаттыктын" Баткен облусундагы кабарчысы. Ош мамлекеттик университетин аяктаган.

  • 16x9 Image

    Руслан Калматов

    "Азаттыктын" Жалал-Абад облусундагы кабарчысы. Жалал-Абад Мамлекеттик университетинин филология жана журналистика факультетин аяктаган.

  • 16x9 Image

    Ыдырыс Исаков

    «Азаттыктын» Оштогу кабарчысы. 2008-жылы Ош Мамлекеттик университетинин журналистика бөлүмүн аяктаган. 

  • 16x9 Image

    Бактыгүл Чыныбаева

    “Азаттык” үналгысынын Бишкектеги кабарчысы, журналист, котормочу, илимий кызматкер. Кыргыз-Түрк "Манас" университетинин жана Лондондогу эл аралык Кэмбриж академиясынын бүтүрүүчүсү.

пикирлерди көрсөт

XS
SM
MD
LG