Линктер

ЧУКУЛ КАБАР!
29-Март, 2024-жыл, жума, Бишкек убактысы 17:33

Сириянын Алеппо шаарында уруштар улантылууда


Алеппо.
Алеппо.

Лондондо жайгашкан Сириядагы адам укуктарына мониторинг жүргүзүү борбору 23-октябрда Алеппонун чыгышындагы козголоңчулар көзөмөлдөгөн райондорго абадан, ага улай жерден артиллериялык чабуулдар жасалганын билдирди. Маалыматка караганда, өкмөттүк күчтөр Рашидин жана Хан-Туман райондорун басып алып, Алеппонун түштүгүндөгү аймактарга жакындады.Салгылашууларда кеминде 20 согушкер, негизинен Аль-Каиданын жолун улаган Фатех аль-Шам тобунун өкүлдөрү жок кылынганы кабарланууда. Ошондой эле козголоңчулар жайгашкан аймактарга да сокку урулган. Түндө Алеппону экиге бөлүп турган линияда кагылышуулар болду.

20-октябрда Орусия менен Сирия салгылашуулар үч күнгө токтой турганын айтып, Башар Асаддын бийлиги жай тургундарды эвакуациялоо үчүн 8 коридор ачылганын билдирген. Бирок укук коргоочулар бир коридор гана ачык болуп, андан аз эле адам өткөнүн кабарлап жатышат. БУУнун маалыматы боюнча, Алеппонун курчоодогу райондорунда 250 миңден ашуун адам бар.

XS
SM
MD
LG