Линктер

шаршемби, 7-декабрь, 2016 Бишкек убактысы 22:51

Ушул айдын башында Нарында 14 жаштагы кыз төрөп, коомчулукта кызуу талкуу жаратты. Бирок бул жалгыз окуя эмес, секелек кыздар арасында кош бойлуу болуу жана төрөө фактысы жыл санап өсүп жатат. Расмий маалымат боюнча, 2015-жылы секелек кезде кош бойлуу болгондордун саны 1200гө жеткен.

Бала туруп балалуу болуунун себеби эмнеде? Адистер эртелеп эне болуу аялдардын ден соолугу менен улуттун генофондуна терс таасирин тийгизет деп коңгуроо кагат.

Евразиядагы мамлекеттердин ичинен 19 жашка чейин төрөгөндөрдүн саны боюнча Кыргызстан алдыңкы орунда турат.

Бейөкмөт уюмдардын изилдөөлөрүнө ылайык, эрте турмуш кургандар көбүнчө айыл жергесинде көп кездешет. Эрте балалуу болуу эненин саламаттыгы менен кошо наристенин да ден соолугуна терс таасирин тийгизет. Мындай балдарга жетиштүү тарбия берилбей, психологиясы жабыркайт. Көпчүлүк учурда мындай энелер балдарына таштап кетишет.

Психологдор мындай көйгөйгө көбүнесе ата-энесинин, жакындарынын мээриминен өксүгөн өспүрүмдөр туш болоорун айтышат.

Кылмыш кодексине ылайык, жашы жете элек өспүрүм менен жыныстык катнашка барган адам мыйзам алдында жоопко тартылышы керек. Бирок жоопко тартылбай калгандар басымдуулук кылат.

  • 16x9 Image

    Токтосун Шамбетов

    "Азаттык+" телепрограммасынын алып баруучусу. 2012-жылдан тарта "Азаттыктын» Нарын облусундагы кабарчысы болуп иштеген. Нарын мамлекеттик университетинин техникалык факультетин аяктаган. "Мыкты жаш журналист 2013" наамынын ээси. Твиттерде: @Tokojan  

  • 16x9 Image

    Айгерим Акылбекова

    2014-жылдын март айынан бери "Азаттык+" телепрограммасынын алып баруучусу. Кусейин Карасаев атындагы Бишкек гуманитардык университетинин журналистика факультетин аяктаган. 

пикирлерди көрсөт

XS
SM
MD
LG