Синоптиктердин маалыматы боюнча, 30-31-июлда республиканын тоолуу жана тоо этектериндеги райондорунда сел жүрүшү мүмкүн.
30-31-июлда мезгил-мезгили менен жаан жаап, күн күркүрөйт, бийик тоолуу райондордо кар жаайт, айрым жерлерде жаан-чачын катуу жаайт. Кээ бир райондордо батыштан соккон шамалдын ылдамдыгы секундасына 15-20 метрге жетет. Абанын температурасы төмөндөйт.
Мындай жаан-чачындуу аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат.
31-июлда мезгил-мезгили менен жаан жаап, күн күркүрөйт, бийик тоолуу аймактарда кар жаайт. Кээ бир райондордо жаан-чачын катуу жаайт. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетет.
Абанын температурасы:
Чүй өрөөнүндө түнкүсүн 13…18, күндүз 23…28 градус, Таласта түнкүсүн 9…14, күндүз 23…28 градус ысык болот.
Баткен, Ош, Жалал-Абад облустарында түнкүсүн 14…19, күндүз 27…32 градус ысыйт.
Ысык-Көлдө түнкүсүн 10…15, күндүз 21…26 градус ысыйт. Нарында түнкүсүн 8…13, күндүз 20…25 градус жылуу болот. Бийик тоолуу райондордо түнкүсүн 0…5, күндүз 9…14 градус жылыйт.
31-июлда Бишкек шаарында мезгил-мезгили менен жаан жаап, күн күркүрөйт. Абанын түнкү температурасы 16…18°, күндүзгү температурасы 25…27° жылуу болушу күтүлөт.
31-июлда Чолпон-Ата шаарында мезгил-мезгили менен жаан жаап, күн күркүрөйт. Абанын түнкү температурасы 12…14°, күндүзгү температурасы 21…23° жылуу болот.
