Линктер

ЧУКУЛ КАБАР!
29-Март, 2024-жыл, жума, Бишкек убактысы 05:21

Улуттук адабиятты даңазалаган жумалык башталды


Иллюстрация
Иллюстрация

Бишкекте 5-декабрда “Улуттук адабият күндөрү” аттуу апталык иш-чаралар башталды. Жумалыктын алкагында билим берүү мекемелеринде жана китепканаларда улуттук чыгармаларды даңазалаган акциялар, таймаштар жана жазуучу-акындар менен жолугушуулар өтөт.

Маданият жана маалымат министрлиги билдиргендей, 9-10-декабрда балдар китептерине арналган жармаңке да уюштурулат. Андан тышкары, кенже класс окуучулары арасында жомок баатырларынын сүрөтүн тартуу боюнча сынак болот.

10-декабрда Касымалы Баялинов атындагы балдар жана өспүрүмдөр китепканасында «Окурман үй-бүлө – окурман бала» акциясы уюштурулат.

Ошондой эле өлкөдөгү коомдук китепканаларда жана бардык мектептерде улуттук адабиятты жайылтуу максатында «Мектеп китепканасына китеп белек” иш-чарасы уюштурулмакчы. Каалоочулар мектептерге китеп тартууласа болот.

Жумалык 12-декабрда жазуучу Чыңгыз Айтматовдун эстелигине гүл коюу менен аяктайт. Аны аталган министрлик АКШ элчилиги жана USAID уюму менен бирге уюштурууда. (SE)

XS
SM
MD
LG