Линктер

logo-print
шейшемби, 6-декабрь, 2016 Бишкек убактысы 00:44

Кырдуу шым кийген, фуражкачан курсанттар көчөдө баратканда далайлардын көз жоосун алат эмеспи. Бирок алардын окуу жайдагы жашоосу кандай? "Азаттык+" бул жолу курсанттын бир күндүк турмушун көрүп келди.

Бул аскер окуу жайы 1982-жылдын 30-декабрында Кыргызстандын Коммунисттик партиясынын 60 жылдыгы атындагы республикалык адистештирилген мектеп – интернаты катары ачылган.

Кийин 1994-жылдын 6-майында ошол кездеги президенттин буйругунун негизинде республикалык адистештирилген мектеп-интернат – Кыргыз Мамлекеттик улуттук аскер лицейи болуп уюшулган.

Окуу жайда 9-класстан 11-класска чейин 300 жакын бала тарбияланат. Аларды тамак-аш, кийим-кече жана жатакана менен Коргоо министрлиги каржылайт. Лицейди ушул күнгө чейин 3000ден ашык бүтүрүүчү аяктаган. 2005-жылы аскер лицейине Советтер Союзунун Баатыры, генерал-майор Дайыр Асановдун ысымы ыйгарылган.

Аскер лицейинде кадимки мектеп программасындагы билим берилет. Мыкты офицер болуу үчүн мыкты билим алуу зарыл. Учурда курсанттар жалпы республикалык тестирлөөгө даярданып жатышат. Бул жактагылардын көбү аскердик окууларын улантып, жогорку аскер билимин алууну самашат.

Аталган аскер окуу жайын бүтүп, бирок таптакыр башка кесипти аркалап жүргөндөр да жок эмес. Бирок кантсе да мекенчилдик, Ата Журтка болгон сүйүү, элге кызмат кылуу сыяктуу окуу жайдан алган тарбия-таасирлер аларды дайым коштоп жүрөт.

  • 16x9 Image

    Айгерим Акылбекова

    2014-жылдын март айынан бери "Азаттык+" телепрограммасынын алып баруучусу. Кусейин Карасаев атындагы Бишкек гуманитардык университетинин журналистика факультетин аяктаган. 

  • 16x9 Image

    Токтосун Шамбетов

    "Азаттык+" телепрограммасынын алып баруучусу. 2012-жылдан тарта "Азаттыктын» Нарын облусундагы кабарчысы болуп иштеген. Нарын мамлекеттик университетинин техникалык факультетин аяктаган. "Мыкты жаш журналист 2013" наамынын ээси. Твиттерде: @Tokojan  

пикирлерди көрсөт

XS
SM
MD
LG