Линктер

жума, 9-декабрь, 2016 Бишкек убактысы 12:12

Күч түзүмүндө иштеген кыз-келиндер форма кийип, ийинде жылдыз жаркырап турса сүрдүү, тайманбас сезилет. Анткен менен алар үйдө өмүрлүк жолдошуна күйүмдүү жар, балдарына мээримдүү эне.

Биздин коомдо эркектер менен теңтайлашып аскердик милдетин өтөгөн айымдар аз эмес. "Азаттык+" бул берүүсүндө күч түзүмдөрүндө иштеген кыз-келиндердин жашоосуна кызыкты.

Алия үй оокатын бүтүрүп, жумушка кетүүгө кам урууда. Ал билими боюнча экономист, бий мектебин да аяктаган. Бирок ал эки кесипте тең иштеген эмес. Кичинесинде аскер кызматкери болууну кыялданчу экен. Үч жыл мурда ата-энеси, жакындары каршы болгонуна карабай аскер бөлүгүнө жумушка кирген. Баса, ал аскер кызматкерине турмушка чыккан.

Алияга окшоп, аскер бөлүктө 30дан ашуун аял кызмат өтөйт. Алар бул жерде психолог, финансист, медайым, кадр бөлүмүндө иштегени менен күндө машыгуудан өтүп турушат. “Скорпион” өлкөдөгү аялдарды чыныгы согуштук ыкмаларга машыктыруучу жалгыз аскер бөлүгү. Алар бул жерден автомат атуу, бычакты таамай саюу, туткунду бошотуу өңдүү бардык ыкмаларды өздөштүрөт.

Перизаттын Петровка айылындагы №8 түзөтүү мекемесинде күзөттөгү кызматкер болуп иштегенине эки жылга аяк басты. Каарманыбыздын кызматы - өз карамагындагы аймакты көзөмөлгө алуу. Перизат аскер адамынын үй-бүлөсүндө тарбияланып, бул тармак боюнча жакындан тааныш.

  • 16x9 Image

    Токтосун Шамбетов

    "Азаттык+" телепрограммасынын алып баруучусу. 2012-жылдан тарта "Азаттыктын» Нарын облусундагы кабарчысы болуп иштеген. Нарын мамлекеттик университетинин техникалык факультетин аяктаган. "Мыкты жаш журналист 2013" наамынын ээси. Твиттерде: @Tokojan  

  • 16x9 Image

    Айгерим Акылбекова

    2014-жылдын март айынан бери "Азаттык+" телепрограммасынын алып баруучусу. Кусейин Карасаев атындагы Бишкек гуманитардык университетинин журналистика факультетин аяктаган. 

пикирлерди көрсөт

XS
SM
MD
LG