“Алтын үндүн” ээсин көзгө атып кетишти

“Алтын үн” ыр фестивалында Гран-приге ээ болгон 17 жаштагы Темирлан Мукашевди жаңы жыл түнү белгисиз бирөөлөр травматикалык тапанча менен көзгө атып кетишти. Врачтардын айтымында, желим октон жаш ырчынын сол көзү агып калган. Темирландын ата-энеси бул окуяны 27-декабрда болгон фестивалга байланыштырып, жалгыз уулубузду көрө албастар майып кылды деген жүйөөнү карманышууда. Ал эми Темирлан атышууну кокустук деп билет. Учурда аталган факт боюнча кылмыш иши козголгону менен шектүүлөр кармала элек. (Улан Эгизбаев, Мирлан Токталиев)