Линктер

logo-print
ишемби, 03-декабрь, 2016 Бишкек убактысы 22:03

Москвада кыргыздардын курултайы өттү

10-11-майда Москвада чет жердеги кыргыздардын бүткүл дүйнөлүк III форуму өттү.


Форумдун катышуучулары Москвада кыргыз боз үйүн тигүүдө. 10-май, 2014-жыл.

Форумдун катышуучулары Москвада кыргыз боз үйүн тигүүдө. 10-май, 2014-жыл.

Корутунду

Форумга дүйнө жүзүндөгү алыскы жана жакынкы 32 чет өлкөдөн жана Орусиядагы кыргыз диаспораларынын өкүлдөрү катышмакчы. Форумдун негизги максаты чет өлкөлөрдөгү мекендештердин башын бириктирип, түпкү мекени үчүн кызмат кылууга чакыруу.
17:55 11.5.2014
Султан Каназаров
Москвадагы кыргыз диаспораларынын форумунун делегаттары секцияларга бөлүнүп, практикалык маселелерди талкуулап жатат. Жыйында төмөнкүдөй 5 секция иш алпарууда:


1) Маданий ар түрдүүлүктү сактоо
2) Кыргыз диаспораларынынын өздөрү жашаган коомго адаптациясы
3) Билим жана илим
4) “Кайрылмандар” маселеси
5) Бизнес жана инвестициялык долбоорлор.


Бул тематикалык талкуунун жыйынтыгында курутлайдын жыйынтыктоочу резолюциясы кабыл алынат
15:42 11.5.2014
Султан Каназаров
Москвада өтүп жаткан чет жердеги кыргызстандыктардын үчүнчү курултайынын жүрүшүндө иш-чаранын эффективдүүлүгү сынга алынды. Түркиядан келген диаспора өкүлдөрү үчүнчү ирет курултайга катышып жатканын айтышып, бирок мурда кабыл алынган резолюцияларда камтылган маселелердин аткарылышы көзөмөлдөнбөгөнүнө нааразылыгын билдиришти.

Учурда курултайдын катышуучулары кийинки курултайдын ордун аныктоону талкуулап жатышат. Кийинки жылы курултайды Бишкекте өткөрүү сунушталып, бирок ал сунуш өткөн жок.


15:19 11.5.2014
Султан Каназаров
Курултайдын жүрүшүндө анын натыйжалуугу да сынга алынды. Маселен, Түркиядан келген диаспора өкүлдөрү буга чейинки эки жыйында кабыл алынган резолюцияларда камтылган маселелердин аткарылышы көзөмөлдөнбөй калганын айтышты.
15:14 11.5.2014
Султан Каназаров
Москвада сырттагы кыргызстандыктардын III форуму уланууда. Бүгүн курултайдын экинчи - жыйынтыктоочу күнү. Бүгүн ага чакырылган расмий өкүлдөр катышкан жок, кечээ Кыргызстандын Орусиядагы элчиси Болот Жунусов, миграция министри Алиясбек Алымкулов катышып жаткан. Курултайдын экинчи күнү ар башка мамлекеттерде жашаган кыргызстандыктардын миграция көйгөйлөрүн чечүү жолдорун талкуулоого арналган. Күндүн экинчи бөлүгүндө делегаттар 5 секцияга бөлүнүп, иш-чара учурунда айтылган сунуш пикирлерди кагазга түшүрүп, финалдык резолюция жазып башташат.

Дагы жүктөңүз

пикирлерди көрсөт

XS
SM
MD
LG