Киев: орус элчилигиндеги мушташ
Орусиянын Киевдеги элчилигинин алдына бир нече киши келип, имаратка кирүүчү эшикти тосууга жана элчиликтин тосмосун бузууга аракет кылышкан. Алардын максаты добуш берүү үчүн келгендерди ичкери киргизбөө болгон. Элчиликти 300 чамалуу полициячы кайтарып турат. Башаламандык кылгандардын бирөө кармалганы кабарланууда. Түшкө чейин Киевдеги шайлоо участогунан 20 чакты киши добуш берди. Бүгүн Орусияда Мамлекеттик Думага шайлоо өтүп жатат. 450 депутаттык орун үчүн 14 саясий партия ат салышууда. Жарандык активисттер добуш берүү мыйзам бузуулар менен коштолуп жатканын билдирүүдө.