Орус бийлигинин бозгундагы оппозиционери, "Ачык Орусия" коомдук кыймылынын жетекчиси Михаил Ходорковский журналисттик иликтөө жүргүзүүчү жаңы медиакомпанияларды каржылоо ниетин билдирди.
"Ачык медиа" долбоору боюнча эксперттер кеминде беш компанияны тандап алат. Алардын ар бирине 30 миллион рублге чейинки суммада каражат бөлүнөт.
Долбоор декабрдан тарта иштей баштайт. Ага чейин журналисттер тесттик режимде иштеп, иликтөөлөрү интернеттеги социалдык түйүндөрдө жарыяланып турмакчы. (RK)
