Шайлоого талапкер көрсөтүүдө «Бирдиктүү Орусия» Путиндин пикирине таянат

Бул тууралуу «Бирдиктүү Орусия» партиясынын жогорку кеңешинин төрагасы, Мамлекеттик Думанын спикери Борис Грызлов билдирди.

- Владимир Путин партиянын негиздөөчүсү жана талашсыз лидери. Андыктан анын пикири «Бирдиктүү Орусия» үчүн артыкчылыкка ээ, - деп билдирди Грызлов.

12-апрелде президент Дмитрий Медведев кытайлык ССТV каналына берген маегинде кийинки президенттик мөөнөткө баруусу мүмкүн экендигин айткан. Премьер-министр Путин дагы 2012-жылы өтө турган шайлоого катышуусу мүмкүндүгүн билдирген.