Линктер

ЧУКУЛ КАБАР!
19-Март, 2024-жыл, шейшемби, Бишкек убактысы 07:59

Төрөбаев КСДПнын коалициядан чыгуу чечимин өзүмбилемдик деп атады


Бакыт Төрөбаев
Бакыт Төрөбаев

Жогорку Кеңештеги «Өнүгүү-Прогресс» фракциясынын лидери Бакыт Төрөбаев КСДПнын көпчүлүк коалициядан чыгуу чечимин өзүмбилемдик катары сыпаттады.

- КСДП коалициянын тагдыры боюнча маселени өз билгениндей чечип жатат. Кийинки коалициянын курамында ким болорун да алар эбак чечип коюшкан. Иса Өмүркулов коалициядан чыгуу себебин «Өнүгүү-Прогресс» фракциясы менен келишпестикке шылтады. Мен эскертип кетким келет, парламенттин ар бир депутаты өзү туура деп эсептегенин тандоого укуктуу – бул конституциялык норма. Башкача айтканда, пикирлердин ар кандай болушу - демократиянын жана парламентаризмдин өзөгүн түзөт. Оппозицияда калсак да, багытыбыздан тайбайбыз,- дейт Төрөбаев. Анын кагаз жүзүндөгү билдирүүсүн “Өнүгүү-Прогресс” фракциясынын басма сөз кызматы таратты.

КСДП фракциясы коалициядан чыгары бүгүн маалымдалды. Социал-демократтардын башчысы муну “Өнүгүү-Прогресс” жана “Ата Мекен” фракциялары менен болуп жаткан пикир келишпөөчүлүктөр менен негиздеди.

“Ата Мекендин” лидери Өмүрбек Текебаев өкмөттүн жана премьер-министрдин ишине баа бербей туруп КСДПнын коалициядан чыгып кеткени туура эместигин айтып, муну саясий кызыкчылыктан улам болгон чечим деп сыпаттады.

XS
SM
MD
LG