Линктер

ЧУКУЛ КАБАР!
19-Март, 2024-жыл, шейшемби, Бишкек убактысы 10:34

Ванда кыргыз айыл сакчы окко учту


Назым Ташкентти акыркы сапарга узатуу
Назым Ташкентти акыркы сапарга узатуу

27-апрелде Түркиянын Ван аймагында элдик кошуунга ок атылып, Назым Ташкент аттуу кыргыз айыл сакчы курман болду.

Түркиянын Ван аймагындагы Долужа айылына жакын жерде жикчил күрт террористтер менен кармашта жергиликтүү тургун, 47 жаштагы Назым Ташкент курман болуп, үч айыл сакчы оор жаракат алган.

Өткөн түнү кошуна айылда террористтер бар деген маалыматты алган айыл сакчылары жолдо бараткан маалда согушкерлердин ок атуусуна кабылган.

Түркиянын Ван аймагында жайгашкан Улуу Памир айылынын башчысы Эйүпхан Кошар окуяда жабыр тарткандар тууралуу буларды билдирди.

- Түркияда тынчтык болбой, үч жарадар бар, бир адам окко учту. Баары айыл коргоочулары.

Айыл сакчылары коңшу айылга аскерлер менен катар күзөткө бараткан учурда согушкерлердин чабуулуна туш болушкан. "Кыргыз түрктөрү маданият жана жардамдашуу" коомунун жетекчиси Курманбек Кутлу аймактагы абал акыркы күндөрү кескин оорлошуп кеткенине токтолду.

- Учурда согуштук операциялар көп болуп жатат. Айыл коргоочулары ошол террористтерден элеттиктерди коргошот. Мында болсо кетип бараткан жерден эле атып салышыптыр.

Террорчулардын огунан шейит кеткен Назым Ташкенттин артында жесири менен төрт кызы калды. Айыл тургуну Кудаяр Сечилмиш набыт болгон адамдын үй-бүлөсү жана жаракат алгандар тууралуу буларды айтты.

- Шейиттин төрт кызы бар. Экөө мектеп окуучусу, экөө ооруйт. Ал эми жаракат алгандар операция болушту, абалдары жакшы эле дешти.

Маркум Назым Ташкенттин сөөгү бүгүн аскердик аземден кийин Улуу Памир айылында жерге берилет.

Жалпысынан Вандагы Улуу Памир айылында эки миңге жакын кыргыз жашайт. Алардын 180ге жакыны айыл сакчылары болуп кызмат кылышат. Алардын милдети түрк аскерлери менен тоолуу катар айылдардын коопсуздугун камсыздоо. Бүгүнкү күнгө чейин жикчил күрттөр жашаган аймактарды коргоо маалында жалпысынан беш кыргыз курман болуп, ондон ашуун кыргыз жараат алган.

Түрк өкмөтү каза болгондордун айлыгын жесирлерине жана кыздарына которушса, жарадар болгондордун бардык камсыздандыруусун өкмөт толугу менен төлөп берет.

"Азаттыктын" архивинен: Вандыктар кыргыз мугалим сурайт
Вандыктар кыргыз мугалим суроодо
please wait

No media source currently available

0:00 0:02:51 0:00

"Азаттыктын" материалдарына пикир калтыруу Фейсбук социалдык тармагы аркылуу жүргүзүлөт. Фейсбук баракчасы жоктор ага катталгандан кийин гана пикир билдире алат. Пикир жазгандардан төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан сөздөрдү жазууга болбойт. Эрежени сактабай жазылган пикирлер жарыяланбайт.
  • 16x9 Image

    Элвира Будайчиева

    "Азаттык" радиосунун Стамбулдагы кабарчысы. Кыргыз-түрк "Манас" университетин жана Стамбулдагы Йедитепе университетинин магистратурасын бүтүргөн.

Facebook шеринеси

XS
SM
MD
LG