Линктер

logo-print
ишемби, 03-декабрь, 2016 Бишкек убактысы 11:08

Азербайжан армяндардын тик учагын атып түшүрдү


Учак экипажынын үч өкүлү тең набыт болгону кабарланууда. Армениянын Коргоо министрлиги муну "атайын чагым" деп атады.

Учак экипажынын үч өкүлү тең набыт болгону кабарланууда. Армениянын Коргоо министрлиги муну "атайын чагым" деп атады.

Бул тууралуу Азербайжандын Коргоо министрлиги маалымдады. Баку мунун себебин тик учак Азербайжандын аба мейкиндигин бузганы менен түшүндүрдү.

Аскерий мекеменин маалымат кызматы атып түшүрүлгөн МИ-24 учагы Армениянын коопсуздук күчтөрүнө таандык десе, Тоолуу Карабак чөлкөмүнүн бийлиги тик учак аларга караштуу экенин айтып чыкты. Аталган аймактын Коргоо министрлигинин маалымат катчысы Сенор Асратян тик учак машыгуу учурунда абага көтөрүлгөн кезде атып түшүрүлгөнүн билдирди.

Экипаждын үч өкүлү тең набыт болгону кабарланууда. Армениянын Коргоо министрлиги муну "атайын чагым" деп атады. 12-ноябрда күндүз Азербайжандын Коргоо министрлиги "Агдам районунун Кенгерли кыштагынан 1700 метр түндүк-чыгышта эки вертолет аскерий манёврларды жасап, Азербайжандын куралдуу күчтөрүнө ок атууга аракеттенди” деп билдирген.

Азербайжан менен Армения талашып жүргөн Тоолуу Карабакта соңку айларды кырдаал кайрадан курчуду.

Армения колдогон жикчилер Азербайжандын армяндар басымдуулук кылган аймагын 1990-жылдардын башындагы согушта ээлеп алган. Анда 30 миңдей кишинин өмүрү кыйылган болчу. Тоолуу Карабактын болочок макамы боюнча сүйлөшүүлөрдө ок атышууну токтотуу макулдашылганы менен 1994-жылдан бери натыйжа бербей келет. Баку Тоолуу Карабакты өзүнүн оккупацияланган аймагы катары санаса, расмий Ереван бул аймак Азербайжандын бөлүгү боло албайт деп эсептейт.

XS
SM
MD
LG