Келээрки айда 30630 аскер бөлүгүнүн ачылышы болоорун «Азаттыка» Баткен облустук акимчилигинен билдиришти. Коргоо министрлигинин 30630 мото аткычтар бөлүгүнүн курулушу өткөн жылы Баткен шаарына жакын жерде башталган эле. Анын ачылуу аземине өлкө башчысы Курманбек Бакиевдин катышуусу да күтүлүп жатканы маалымдалды.
Аскер бөлүгүнүн курулушу жүрүп жаткан учурда бул жер ЖККУнун тез аракеттенүүчү жаматтык күчтөрүнүн алкагындагы аскерий база жана машыгуу борбору болуп калышы мүмкүн деген сөздөр да айтылган эле. (JsA)