Сирияда оппозиция армиясы штаб-квартирасын Түркиядан Сирияга көчүргөнүн билдирүүдө. Маалымат каражаттарына жөнөткөн тасмасында козголоңчулардын Эркин Сирия армиясынын кол башчысы Риад ал-Ассад «бошотулган аймактардагы коопсуздукту камсыздоо чаралары көрүлгөндөн кийин, ал жактарга Эркин армиянын жетекчилиги көчүрүлгөнүн» бышыктады. Башкаруу борбору кайда жайгашканы белгисиз.
Эркин Сирия армиясы президент Башар ал-Асадга каршы козголоңдогу эң карылуу күч болуп саналат. Бирок анын жетекчилиги күрөшүн Түркияда туруп алып жүргүзүп келаткандыгы жана Сириянын өзүндөгү козголоңчулардын чачыранды топторуна сөз өтө бербей тургандыгы үчүн сындалып келген.